柏辛域陀尼亞唔赦中央陸軍

猪拉多纳

同晚另一場歐聯D組賽事俄羅斯莫斯科中央陸軍「主場」迎戰捷克柏辛域陀尼亞。由於莫斯科中央陸軍主場館草地質素差劣，今仗將移師去俄羅斯另一城市聖彼得堡上演。主隊無咗「主場」之利，近況又差，柏辛域陀尼亞有望保住不敗，捧「讓球客勝」。

莫斯科中央陸軍狀態低迷，近4仗3負1和，而且4場波都更全部冇波入，上場聯賽主場對住俄超尾二嘅安治亦只能打和。雖然該隊已連續16場主場保持不敗，但今仗改在聖彼得堡踢，唔多唔少都會有影響。
客軍歐戰成績標青

相反，柏辛域陀尼亞喺歐戰嘅作客成績標青，自上年10月作客馬體會輸波後，作客嘅賽事就再冇輸過，錄得5勝2和佳績，最犀利係今年2月歐霸盃作客拿玻里贏3比0，可見佢哋作客唔係善男信女，今仗遇啱近況唔掂嘅中央陸軍，相信至少可坐和望贏。

（有線61及64台周四凌晨零時直播）