美斯缺陣 尼馬「做嘢」

猪拉多纳

巴塞「-2」照炒華拉

西班牙《每日體育報》最近進行民調，問馬天奴執教巴塞後邊個係最大得益者，結果法比加斯獲7成票數當選。的確，法比仔喺馬帥麾下發揮淋漓盡致，現時穩坐歐洲助攻王寶座，日前歐聯連入波嗰瓣都撈埋，今晚重返西甲迎戰頹爆殘陣嘅華拉度列，美斯缺陣使乜驚呀，讓兩球照吼1.73倍「讓主」。

（now632台周日凌晨4:00直播）
華拉度列7戰僅1勝

雖然些路迪教頭連儂插尼馬演技浮誇，搞到佢哋喺歐聯打少個，不過被逐嘅些軍守將史葛布朗就承認「犯錯」撐尼馬。之後恩尼斯達仲加把口，無啦啦話皇馬靠比比嘅演技擊敗艾爾切，一啲都唔光彩，「沉冤得雪」嘅尼馬賽前仲話巴塞有多條戰線，所以唔介意輪換，佢同「寸爆小白」講到咁，今晚唔做番啲嘢點得呀！

華拉度列踢咗7輪贏得1場，中場域陀佩雷斯、丹尼爾拿臣與奧斯卡干沙里斯又因傷冇隨隊，再者，撇除巴塞喺上季放甩皇馬幾條街，季尾喺魯營放過華拉度列，「地上最強」近3次主場毫不留情咁喪轟對手14球，今場「讓主」坐定粒六啦！