千杯豪情轉倉惹飛

猪拉多纳

　　今日沙田又跑十場賽事，由於好多好馬國慶日現身，所以今日冇咩馬擔到飛。噚日睇飛，唔係咁易發現一面倒大熱門，唔知會唔會爆冷？

　　呢個暑期有幾多馬轉倉，係唔係好事？真係見仁見智，不過安排今日上陣幾匹轉倉馬之中，有四匹隔晚票數幾勁（見表），值得睇實。周某最鍾意第二場「千杯豪情」，呢匹馬上季薛達志馬房，跑八場都唔入三甲，暑期時，馬主決定將呢匹馬轉去新開倉蘇偉賢馬房試，結果今日轉倉初出，已經惹唔少人憧憬。話說呢匹馬上仗獨贏仲有24倍，今次竟得9.4倍，票數咁勁點可以唔信。騎師王方面，潘頓得1.8倍，要捧。