芙蓉之寶收復失地

猪拉多纳

　　剛戰沈集成憑「好靚仔」食尾胡，搏殺手風頗順，今戰此共派8駒列陣，隨時又有頭馬見面。個人心水是出爭尾場二班1200米的「芙蓉之寶」。

　　「芙蓉之寶」在港首季取得3W2Q，星味十足；惟上季初進度一直徘徊，輾轉之下全季仍取得2W，評分升至今季初的90分高位。上仗此駒季內初出配呂卓賢爭田草1200米，出閘後即採用前置跑法，卻被內側的「寶寶飛龍」及「先鞭直前」頂出三望空競跑，加上前段步速偏快，形勢極為不利。然而，「芙蓉之寶」仍能貫注到尾，僅在末段被「勁勢」追越，卻也令「軍功」、「寶寶飛龍」等駒未能埋身。

　　賽後「芙蓉之寶」被加3分至93分，無疑評分又創新高，但5歲馬似乎仍具進步空間。今次繼續交由呂卓賢操刀，當可贏馬補中。

　　至於第九場三班1400米，推介鄭「陽明星星」。雖然上季尾贏馬之役賺了慢步速，但姿態委實輕鬆，足見眼罩幫助之大。今番續戴此配備上陣，縱初跑三班賽亦冇阻力。