熱刺玩保守 炒唔起韋斯咸

猪拉多纳

「小倫敦打吡」熱刺鬥韋斯咸，兩隊波一向大仇口，場內場外勢不兩立，上季就有韋斯咸球迷喺熱刺主場大嗌反猶太口號，所以韋斯咸賽前發表聲明，表示對球迷任何種族歧視行為將採取「零容忍」，希望球迷自律。兩軍未開波就嚴陣以待，就知今仗有幾激，韋斯咸球員深明今場打吡嘅重要性，誓打爭氣波，熱刺可勝但難大勝，捧細盤。

（now 621周日晚11時直播）
保亞斯夠贏就算

熱刺近態雖佳，但今季踢法傾向穩陣，近8仗6次開細，好多時贏1至2球就收疆，上場歐霸盃即使早早領先安治兩粒後就大玩控球在腳，就知領隊保亞斯今季嘅帶隊方向就係穩中求勝。韋斯咸近5場英超不勝，作客更係一球都入唔到，但近況幾差都好，球員為面子今仗點都會跑多兩步，且領隊艾拿戴斯戰術保守，今仗料會以守代攻。對住打法硬淨嘅韋斯咸，熱刺一班技術型球員未必可以為所欲為，入波預計唔多，揀細盤。