賽前入倉探班 譚榮根望贏愛眼光

猪拉多纳

「愛眼光」今季由蔡約翰轉投蘇偉賢馬房，支持新倉，上仗復出首戰亦跑得接近的第五名，馬主譚榮根希望愛駒今戰有更進一步表現。他說：「最近我去咗美國出席獅子會會議，啱啱先返香港，但遲啲又要上北京，為四川嘅地震重建做善後工作，不過上周六我亦不忘入蘇偉賢馬房探班，了解『愛眼光』進度。馬匹經過抖暑後，體格比前強壯咗，毛色亦深潤咗，今季應會更成長，既然上季以3歲之齡，喺四班都能夠交出理想成績，今戰續居四班作賽，即使負131重磅，論實力絕不遜於任何對手。唯一擔心係排大外檔，對陣上發揮較為不利，寄望安國倫走位得宜，若然早段順利切入搵到遮擋，機會不容忽視。」