水手有季初病慎防中招

猪拉多纳

上季澳職總冠軍中岸水手過去3季常規賽非冠即亞，戰績彪炳，自然獲得熱捧。不過要留意水手比較慢熱，季初經常失分，上季首3仗僅1勝，前季更踢到第4輪先至開齋。開咧初段，水手或會受以往佳績影響而需要讓波，大家小心提防佢哋「季初病」又復發。

FC悉尼擁有意大利名將迪比亞路助陣，上季大踢進攻足球，但成績欠佳，無緣晉身季後賽，令球迷大失所望。教練法連拿備受壓力，可能改變戰術，改善防守，而且迪比亞路已經38歲，難以獨力支撐鋒線，FC悉尼上季開大比率達7成，今季隨時轉攤路，改捧細盤。
獅吼作客特醒要(目及)實

相反西悉尼流浪者上季靠穩健防守，取得佳績，開細比率高達6成，預料將沿用呢個策略，入球細可再追捧。另布里斯班獅吼屬於澳職「作客王」，前3季常規賽有兩季作客成績屬各隊之冠。客軍贏波賠率往往好分頭，甚至有得受讓，獅吼客場作賽時，值得留意。