西班牙和都出線 唔慌多攻「細」

猪拉多纳

西班牙今晚喺世盃歐洲區外圍賽I組主場鬥格魯吉亞，「狂牛兵團」只要唔輸就肯定入決賽周，未必會太進取，入球大細中位數去到3.5球，撐1.95倍細。

（now632台周三凌晨3:00直播）
格魯吉亞近戰少失波

由08歐國盃到上屆世盃，西班牙一直靠韋拿同費蘭度托利斯「搵食」，可惜歲月催人，韋拿年老、費托又一沉不起，「狂牛兵團」喺近6仗賽事最多只係入到兩粒，火力唔掂，迪保斯基今次選入嘅兩位射手尼格度同米捷唔係冇質素，但論技術同把握力，就似乎不及兩位「故人」當打嗰陣喇。

對家格魯吉亞係有骨「魚腩」，雖然唔識入波，但佢哋近3仗未試過失多過1粒，西班牙今鋪想炒起對手唔係咁易，輕敵嘅話，分分鐘贏唔到添！