聖羅倫素咬唔入沙蘭迪

猪拉多纳

阿根廷盃決賽會喺聽朝上演，由聖羅倫素喺卡塔馬卡惡鬥沙蘭迪兵工廠！今仗邊隊贏波捧盃，就會獲得來屆南美自由盃嘅參賽資格，兩軍為咗呢個目標肯定會小心應戰，近況較佳嘅兵工廠應可以喺法定時間內頂住唔輸，受讓1球當然捧1.66倍「讓客」啦！

（開賽時間：周四早上7:10）

呢場大戰前夕火藥味早已爆燈，皆因兩軍早幾日喺阿甲碰頭，主隊兵工廠被指喺球證偏袒下以2:1贏波，有兩名球員被逐嘅聖羅倫素就被反指欠缺體育精神喎！論近況，當然以14戰不敗嘅兵工廠較佳，雖然佢哋近8戰有7場未試過入多過1粒，但勝在防守夠硬淨，呢隊波近8場只失4球，有4仗都冇失波，證明唔係咁易食，聖羅倫素就算想復仇都唔敢貿然進攻，如果唔係畀對手反擊偷到雞就慘喇，佢哋嘅中場羅馬洛尼亦都話明會沉着應戰，睇嚟今場分分鐘要踢到加時甚至互射12碼先分到勝負喇！