川迪阿積士齊歎細界

猪拉多纳

荷甲周日凌晨有場榜首大戰，排第一嘅川迪主場迎戰第三位嘅阿積士。阿積士自從放走基斯甸艾歷臣之後，面對強隊似乎力有不逮，早前作客便曾大敗於燕豪芬腳下，加上佢哋下周中歐聯將要作客些路迪，此戰關乎佢哋能否保住爭出線機會，為保留實力難免有所取捨。川迪經過季初一段適應期，唔經唔覺已爬升至聯賽榜首，佢哋成績冒升最主要原因係防線守得穩，開季九戰僅失五球，係目前全荷甲失波最少球隊，睇番佢哋之前主場鬥幾支前列球隊如海倫芬、燕豪芬都贏唔到，讓波有一定風險，既然阿積士有歐聯後顧，今戰隨時大打穩陣波，可敲入球細。