|
|
今晚英超戰火重燃，車路士一眾黃金中場喺國際賽光芒四射，輪流入波發威，至於門將施治今仗落場更會成為林柏特及泰利之後，第3名喺英超上陣達300大關嘅「藍戰士」，勢必搏盡保不失，攻守兼備，喺史丹福橋要炒「內亂」嘅卡迪夫城冇難度，吼實1.56倍「讓主」啱數。
（now622台周六晚10:00直播）
卡城班主陳志遠激嬲教頭
雖然費托受傷唔使預佢，不過「王子」連埋伊度奧及丹巴巴亞3名箭頭喺英超啞火冇入過波，缺唔缺陣根本影響唔大。重點係車仔班國腳級中場撻着晒副偈，舒賀爾尼、奧斯卡杜斯山度士、桑馬達啱啱喺國際賽夾埋攻入7球，配合前線核心夏薩特及演出勇猛嘅韋利安，強大進攻火力絕非卡迪夫城後衞可以頂得住。
再者，卡迪夫城班主陳志遠日前突然辭退轉會總監賴恩穆迪，轉聘零經驗嘅囝囝死黨接手，事件引起教頭馬基麥基及擁躉極度不滿，雖然經過馬拉松式會議後，馬基麥基總算攞番轉會最終決定權，陳老闆更疑似補鑊，宣布球會拖欠自己嗰筆580萬鎊債項唔使還之餘，嚟緊接近5,000萬鎊貸款亦唔收斗零利息，可惜士氣受挫，球迷怒氣未消，作客史丹福橋點踢好波呢﹖ |
|
金睛卡
发表于 2013-10-19 10:42
变色卡
显身卡