悉尼怕獅吼首球吼貝利沙

猪拉多纳

今日澳職激戰連場，開鑼戰齊齊贏波嘅布里斯班獅吼同FC悉尼會正面交鋒，賽前FC悉尼教頭法連拿暗示唔會貿然搶攻，加埋近6年造訪獅吼地頭都未威過，玩首名入球梗係向主隊埋手啦，心水肯定非「悉尼剋星」貝利沙莫屬！
近6次作客對賽未威過

翻查往績，原來FC悉尼自07年之後都未試過喺獅吼主場贏波，難怪教練法連拿都忌忌哋，賽前話會捨棄悅目足球，搶到分嘅話唔介意踢那渣波，咁講法唔慌踢得進取啦，預計主場出擊嘅獅吼實會發動狂轟猛炸，形勢上應該會佔主導，先入波機會自然大啲。

上場入波協助獅吼作客2:1反勝鳳凰嘅貝利沙，對上4次正式比賽鬥FC悉尼都有波入，呢位「悉尼剋星」有布萊治、米拿同法蘭積幾位中場後上支援，邊使愁冇供應吖？首入吼佢啱數！