西悉尼流浪者「讓主」攞「威」

猪拉多纳

攻守兼備有埋地利

今季澳職對小妹嚟講多咗份親切感，因為前港足主帥摩力克同前傑志教練甘巴爾今季都喺澳職落班，分別執教威靈頓鳳凰同阿德萊德聯，所以今季小妹特別留意呢兩支球隊嘅表現。今日下晝澳職有場西悉尼流浪者迎戰威靈頓鳳凰，流浪者首戰作客力求衞冕嘅中岸水手都可以打和，實力有番咁上下，今日仲有主場之利，「-1」都冇有怕一於捧1.87倍「讓球主勝」！

（開賽時間：周日下午2:00）
威靈頓鳳凰近況往績輸晒

上季首次出戰澳職就喺常規賽封王嘅西悉尼流浪者，喺季後賽總決賽輸咗做唔成雙料冠軍，相信今季佢哋會再加把勁。今季新加盟嘅前鋒杜米祖歷，喺上仗首戰後備入替即有「士哥」，有望成為流浪者一大武器。同時，呢班波嘅防線同上季一樣咁硬淨，所以由季前熱身賽開始已經打起個勢，7場比賽只輸1場。唔好忘記流浪者主場威力極強，近10場主場比賽有8勝1和1負佳績，所以小妹睇好佢哋主場出擊大勝冇難度！

作客嘅威靈頓鳳凰上仗首戰喺主場以1:2輸畀布里斯班獅吼，季前3場熱身賽亦只贏得1場，再加埋鳳凰作客成績非常差勁，近10場作客比賽輸咗8場咁多。睇埋兩隊對碰往績，鳳凰喺季前熱身賽同上季聯賽，兩度以1:2輸畀流浪者，既然近況、實力同往績都係主隊贏晒，所以鳳凰今場就算有摩斯、杜蘭迪、貝圖斯同布洛奇等國腳歸隊，照計都難逃輸波厄運，一於捧「讓球主勝」！