蘭斯細頂啞火馬賽

猪拉多纳

除咗有外資撐腰嘅土皇帝巴黎聖日耳門及摩納哥之外，馬賽絕對係法甲第三勢力，不過佢哋最近頭頭碰着黑，季初士哥頻頻嘅基格納及皮耶陷於低潮，連番撞正多蒙特、聖日耳門、拿玻里等強敵，畀人打到謝晒，經歷四連敗後，眾將出現信心危機。今晚馬賽主場迎戰蘭斯，後者一向穩打穩紮，防線固若金湯，上仗意外輸畀圖盧茲令六連和斷纜，仲有硬朗中場迪華奧斯領紅要坐波監，為咗填補漏洞，預計布防會更加嚴密，適逢馬賽前線啞火，呢場唔慌多波入。