維拉主場受讓愛不釋手

猪拉多纳

呢日菠菜市場焦點係西班牙國家打吡，莊家慣性於呢類大戰開多幾個盤畀人揀，三個盤係基本，現時呢場正盤係巴塞讓半一，上盤9水，另有巴塞讓半球，上盤7幾水，另一個盤係巴塞讓一球，上盤超高水。以波論波，巴塞頂盡讓半球，仲要有高水先值博，依家讓半一明顯多咗，皇馬唔係善男信女，秤先下盤多少。

同日重心場次揀場英超，阿士東維拉主場對愛華頓，橫睇掂睇，兩隊都係同級球隊，「拖肥糖」換帥後季初踢得唔錯，但點計都係中游貨色，同維拉評級相若。愛華頓今場作客，正路開平手盤維拉低水，或者維拉讓平半，家陣莊家反而開愛華頓讓波，真係好奇怪。維拉踢出水準唔係人咁品，呢場要下盤！

(now 623周六晚10時直播)
修咸頓「大」躍進

同日修咸頓主場對富咸，「聖人」上仗作客逼和曼聯令唔少人跌眼鏡，其實好多業界人士唔覺得出奇，因為今季呢班波進步好多，早被視為英超一線尾球隊，實力評級已被調高，今場要讓到一球，個盤好硬淨。肥叔認為呢場會多入波，可留意大盤。