潛艇撞蝙蝠肯定「大」鑊

猪拉多纳

「黃色潛艇」維拉利爾今晚喺西甲主場迎戰「蝙蝠軍團」華倫西亞，大家同屬聯賽榜中上游球隊，係歐聯入場券嘅直接競爭對手，一定爭餐懵，搶攻求3分。論戰力雙方可以話勢均力敵，今晚「大」戰在所難免，喺勝負難料之下，1.72倍入球大係唔錯嘅選擇。

（now632周一凌晨0:00直播）
維拉利爾主場火力猛

維拉利爾近期作客比賽唔記得帶射門鞋，近3仗作客只得1和2負，仲要一球都入唔到，戰績唔下滑就奇啦。不過佢哋返到主場就唔同講法，今季佢哋喺主場出擊無論贏定和，每場最少入兩粒，就連皇馬到訪都要失兩球，足以證明有中場大腦卡尼穿針引線嘅維拉利爾，攻力絕對唔嘢小。加埋前線佩比同杜斯山度士踢法靈巧兼具備速度，對住作客場均失波超過1.5球嘅華倫，大把機會搵番射門觸覺啦！

華倫西亞喺3日前以半力出戰歐霸，派出柏高艾卡沙、杜蘭柏邦等副選球員，仍然輕描淡寫大炒聖加倫五個一皮，其中前鋒普斯迪加、莊拿斯干卡維斯等常規球員並無落場，為今場養精蓄銳，加埋中場猛將簡拿利斯、班尼加落場派牌，攻力唔成問題。防線有阿爾拉米離隊，令唔多穩陣嘅後防再少咗個選擇，今晚作客火力強勁嘅維拉利爾，好難守得住喎！