衝擊夠經驗 反轉戴拿模

猪拉多纳

如果嫌歐洲波太夜捱唔到眼瞓，阿King建議向美職季後賽埋手，明早舉行東岸第一圈淘汰賽，侯斯頓戴拿模主場對蒙特利爾衝擊。淘汰賽講求球員經驗，蒙軍擁有三大意援尼斯達、迪華奧及費拉利，呢班老波骨見慣大場面，作客亦唔輸蝕。衝擊受讓着數捧讓球客勝。

（周五早上8時30分開賽）

戴拿模常規賽僅多衝擊兩分，可見雙方實力接近，今場主Ｗ得1.65倍明顯受高估。主隊弱點係攻力不足，即使佔地利，想強攻對手亦有心無力，而且仲要提防對手突擊，淘汰賽更加會踢得謹慎，估計戴拿模唔敢谷得太前。
榜首恰榜尾 羅馬-1照跟

蒙特利爾衝擊大將尼斯達決定球季結束後退休，季後賽點都會搏埋老命幫球隊晉級。呢位前意大利國腳雖年事已高，但功架仍在，只要使出真功夫，足以力拒戴拿模來犯。

另外，南球盃8強首回合，巴西邦迪比達主場對阿根廷沙士菲，邦軍雖然係巴甲下游球隊，但近6次主場5勝，唔可以睇小。沙士菲狀態回勇，即使唔贏，都希望取得作客入球，踢法唔會縮，捧大。意甲首尾之戰，羅馬9戰全勝，銳不可當，要淨贏包尾嘅基爾禾兩球或以上並冇難度，一於要讓球主勝。