風雷試準出擊

猪拉多纳

　　第一場四班1000米賽，掛名四班賽，實際尤如一組新馬賽。「風雷」今季首課直路大閘，因起步被對手碰撞，以致所處位置比預期落後，惟末段卻可重拾步頭追上第三，以一匹質素這麼新的馬計，遇到些少唔如意，便有可能亂晒陣腳，但從牠整條直路走勢看，已可反映此駒今季成熟進度相當唔錯。此外，牠在該課大閘並無戴眼罩，更進一步顯示有多厲害。

　　上次「風雷」初出報泥地，實在令人摸不頭腦，起步唔夠爽，在錯了第一步下，沿途外也不斷尾，似乎真已說明在此班很快贏得。今番操足整個月，十月初改由硬淨騎功的安國倫試閘，人馬夾迫得起前速，勝來清風送爽，明知在這報名馬不多的組別也選擇打王牌跑，擺到明唔小，再食埋全場作戰經驗最豐富的優勢，贏得。

　　另一匹可留意是第三場五班1600米的「千杯豪情」，好簡單，食正馬兒今季才進入成熟期，加上蘇偉賢處理恰當，結果季內首仗即勝。質新馬由低位起步，試問怎可認定是五班馬？

　　再者「千杯豪情」一出在未熱身下已贏1600米，能力有多強已不用多說了吧！今次儲足火力再打王牌，原庄配搭跑勝途，篤定再贏。