祖記留力歐聯醒帕爾馬

猪拉多纳

意甲帕爾馬主場對祖雲達斯，祖記今季首次連續兩場聯賽不失，防線似有改善，但要留意兩場對手只屬攻力不濟嘅熱拿亞同卡坦尼亞，唔可以作準。
下周中對皇馬太重要

最大隱憂係下周中歐聯惡鬥皇馬，教練干地今仗極大機會留力，派副選上陣，讓半一只因名牌效應，寧博主場三連勝嘅帕爾馬下盤。

祖記喺歐聯分組賽三戰僅得兩分，如果再輸畀皇馬，出線機會真係凍過水，必定將所有力量放喺呢場歐聯。尤其係意甲剛於周中開完快車，教練干地更加要畀派路、泰維斯、維達爾等主力休息。帕爾馬主場贏過AC米蘭，榜首羅馬今季唯一失波，就係作客畀帕爾馬攻入，今仗遇上半力出擊嘅祖記應有分落袋。