中岸水手防守硬淨捧客W

猪拉多纳

希斯基單人匹馬難救噴射機

澳職今日場紐卡素噴射機主場對中岸水手嘅直播，大家有機會睇到英格蘭前鋒希斯基今季首度登場。噴射機喺呢位射手缺陣之下，今季踢咗三場聯賽，又真係竟然一球波都未入過！之但係箇中問題，亦絕對唔係一個希斯基就可以解決得晒嘅。

（有線64周六下午4:45直播）
客軍料穩守突擊

希斯基今季一直受膝傷困擾，賽前消息話佢今場有機會復出，不過呢位老將都成三十五歲咯，又係大傷初愈，狀態有幾多可以返到嚟，真係好難講。不過紐卡素噴射機踢咗三場聯賽都入唔到波，同阿當泰加特、比爾蘭特同尼敦般斯演出差勁都有好大關係。

隊波依家個勢咁沉，雖則話希斯基落番場啫，但小弟唔相信一個人嘅復出就可以令到隊波即刻如有神助囉！係嘅話，足球又點使踢11個人呢？

噴射機雖然有主場，不過佢哋今場對手中岸水手上場打開今季勝利之門之餘，亦同時攞到第一場不失球賽事，士氣即時提升唔少。

中岸水手由薩安達臣、沙尼貝利、史唐路斯同祖舒亞路斯組成嘅四人防線愈夾愈順，要頂住隻「無力噴射機」條前鋒線應該唔成問題。預計今場大玩穩守突擊，一粒就可以決勝負，今場幾大都捧中岸水手1.9倍客Win啦！
頂占筍盤：中岸水手（客勝）