香港興旺易配票勁

猪拉多纳

　　今日天氣唔係好穩定，但隔晚睇飛，每場竟然都有重心馬，至於呢堆熱門馬係唔係真係跑得出，要睇吓場地狀況先知。

　　除咗熱門馬飛數勁之外，有四匹馬都無端端有好多人支持（見表），當中跑第九場嘅「香港興旺」最誇張，呢匹馬前季喺香港初出嗰時，明明喺二班都只係輸條頸獲亞，但係之後唔單止贏唔到，仲三甲不入，上仗賠率冷到79倍，係可以預料嘅。但最奇怪係，呢匹馬今次換咗巫斯義，隔晚個W竟然賣到得9.4倍，而呢場其實有唔少實力馬擔飛，佢都可以落咁多票，睇嚟唔簡單，博佢。

　　騎師王方面，韋達跑埋今日要停賽，而且胯下惡馬又多，得1.9倍要信。(周仲)