拉素細盤打鐵趁熱

猪拉多纳

今晚意甲拉素主場迎戰熱拿亞，「藍鷹」拉素今季主場戰績強勁，近六仗主場出戰未輸過，取得五勝一和佳績，而且防守力好強，呢六仗主場有四次係零失球，而失球嗰兩場都只係失一球咁大把，所以今場不妨捧入球細。

（TVB 302周日晚10時直播）

雖然拉素有主場之利，而且熱拿亞作客戰績曳，但客隊對住拉素卻有格食格之勢，往績一啲都唔輸蝕，熱拿亞近兩季對咗拉素四次取得全勝，戰績夠晒巴閉，所以拉素即使今場有主場優勢都唔係易踢，預計入波都係一球起、兩球止，吼細啱數。