辛尼特平手盤圖利

猪拉多纳

歐聯G組賽事，俄羅斯辛尼特主場鬥葡超波圖。波圖今季歐洲賽表現跌Watt，對上兩場分組賽於主場遭受兩連敗。辛尼特有前鋒侯克倒戈，加上最近三次於歐聯鬥波圖未輸過，平手盤捧主隊。

（有線61及64台周四凌晨1時直播）
用侯克韋素「以葡制葡」

波圖最近六次參加歐聯分組賽，只有11/12一屆未能進身十六強，當年佢哋咁蹺又係同辛尼特同組，結果波圖兩鬥辛尼特一和一負，最終只排小組第三，估唔到兩軍今屆狹路相逢，波圖上輪主場輸○比一再被對手恰死，連埋前一輪對馬體會先勝反敗，波圖已經連續兩場分組賽吃敗仗，表現令人失望。辛尼特除咗往績佔優，近況亦十分對辦，對上十場主場取得七勝三和，唔使讓波好抵玩。巴西前鋒侯克及比利時中場韋素以往曾分別効力波圖及賓菲加，中場大腦丹尼艾維斯又係葡萄牙人，辛尼特隨時來一招「以葡制葡」擊敗對手。