新特蘭主場強細 頂得住曼城

猪拉多纳

曼城近期可謂氣勢如虹，繼上場聯賽送咗7隻光蛋畀諾域治，上周中歐聯亦大勝莫斯科中央陸軍5比2提早出線16強，不過，今晚作客新特蘭可能會遇上一定麻煩，事關藍月亮對上4次作客光明球場竟然錄得1和3負劣績，加上新特蘭自普耶接手後，連續兩次主場出擊都贏晒，今場再做攔路虎唔出奇，波童首選細盤，再冷敲「讓球主勝」。

（now 622周日晚10時05分直播）

曼城一對箭頭阿古路、尼格度近期齊齊着火，近兩場夾埋一共攻入7球，不過曼城今季客場演出遠遠唔及主場咁穩定，開季至今5場作客聯賽只贏1場咁大把，加上後防續有高柏尼缺陣，絕對係爭勝一大隱憂。曼城對上4次作客新特蘭除咗未贏過之外，4戰加埋只入1球，當中3次輸0比1，光明球場對佢哋嚟講絕對唔光明。
普耶接手漸入佳境

新特蘭自從普耶接手後，4戰錄得2勝2負，球隊士氣信心都漸入佳境，而上述兩場勝仗皆係來自主場，分別於打吡戰擊敗紐卡素及在英聯盃淘汰聯賽榜前列嘅修咸頓，乘住連勝氣勢相信可畀到曼城一定壓力。

今場預計入波唔會多，如果黑貓臨場發揮得好，再加少少運氣，能夠成功搶分亦唔出奇。