飛腳衝冠不死鳥讓路

猪拉多纳

今日同大家研究一場日乙賽事，日乙頭兩名直接升班，3至6名就要打附加賽爭奪一個升班席位。大阪飛腳上周大勝熊本羅亞素4比0後，來季已肯定可以重返日職，因乜解究今周作客仲要讓第3位嘅京都不死鳥平半？大家唔好單睇不死鳥排名，因為佢哋依家落後次席神戶勝利船9分，得失球差落後9球，聯賽只餘3輪，換句話講，不死鳥必須贏晒最後3場、再望勝利船輸晒，先有機會以較佳得失球反先對手，機會可謂微乎其微，既然佢哋積分上已穩入前6，倒不如留力應付升班附加賽仲實際。反而飛腳雖然已經取得升班資格，但仲未穩奪聯賽冠軍，以佢哋對上3場攻入12球嘅表現，相信今場一樣會照攻，無論上盤或入球大都值得支持。

（周日中午12時開賽）