英小獅圍剿芬蘭

猪拉多纳

5鬼雲集 魔氣逼人

英超名牌球隊曼聯青年軍新星湧現，英格蘭U21教頭修夫基今次主場對芬蘭U21，召入「紅魔鬼五獅」幫手，加埋前曼聯青訓產品韋斯咸中場拉夫摩利臣，大軍「魔」氣逼人。芬蘭重用國內小兵，實力只屬有限公司，無力招架，捧讓球主勝！

（now 621周五凌晨3時45分直播）

英格蘭名將修夫基接掌英格蘭U21近三個月，現階段仍處摸索期，今次點兵曼聯成大戶，中堅米高堅尼、中場尼克包維、快翼韋費特沙夏及連格悉數入選，熱刺射手哈利卡尼受傷退隊後，修夫基補選埋曼聯U21主力前鋒威爾堅尼入伍，「紅魔鬼五虎」齊晒人。

威爾堅尼曾被視為英格蘭前線新希望，但上年五月因韌帶受傷長抖，新季復出後再展殺手本色，呢次有機會同兄弟米高堅尼拍住上。至於韋費特沙夏今季於曼聯不受重用，佢剛度過廿一歲生日，一定想喺國際賽舞台騷哥利。
芬蘭本土兵水準低

另一邊廂，芬蘭U21門將祖路倫効力英超球會富咸，可為球隊提供敵軍情報，佢係隊內少數外流球員之一，隊中普遍球員都於國內搵食，箭頭添姆維利倫產量唔低，但芬蘭聯賽近年發展停滯不前，家陣只係歐洲三、四線賽事，水平唔會太高。

芬蘭U21上次主場對英格蘭尾段打多個都冇乜優勢，呢次作客更難踢，英軍仲有當弗進攻中場拉夫摩利臣及箭頭比拉希奴之助，有望輕取對手。
威爾堅尼

年齡：20

位置：前鋒

U21上陣次數/入球：3/0
米高堅尼

年齡：20

位置：中堅

U21上陣次數/入球：6/1
韋費特沙夏

年齡：21

位置：翼鋒/前鋒

U21上陣次數/入球：12/1
連格

年齡：20

位置：翼鋒

U21上陣次數/入球：2/0
尼克包維

年齡：19

位置：中場/前鋒

U21上陣次數/入球：2/0