主場王鹿角平手盤舔脷

猪拉多纳

日本天皇盃今日上演多場十六強賽事，由於部分球隊有主力被國家隊徵召，大家投X前要留意。阿King今日重心放在鹿島鹿角主場鬥廣島三箭，鹿角今仗雖然缺少首席射手大迫勇也，不過憑着球隊今季喺主場嘅穩定發揮，平手盤依然值得信賴。

（周六下午2時開賽）

鹿角係今季日職主場王，踢咗大半季聯賽去到兩周前才喺主場首嘗敗績，其餘十四戰取得十二勝兩和，發揮非常穩定，就算冇咗入選國家隊嘅大迫勇也，戰鬥力仍不可低估。廣島三箭陣中亦有南韓後衞黃錫活及日本門將西川周作為國家隊征戰而缺陣，睇番佢哋對上七場作客只贏過實力一般嘅鳥棲砂岩，作客演出唔算標青。兩軍對上九次碰頭作客一方從未勝出，有此數據支持，捧鹿角平手盤可謂坐和望贏。

另外柏雷素爾主場鬥大分三神，柏雷素爾之前已經贏得日聯盃冠軍，踢盃賽有一手，由於佢哋聯賽已經冇嘢好爭，如今誓向雙料冠軍目標進發。三神已篤定降班，冇心理包袱踢得更放，首選入球大。