|
|
雖然唔使驚降落地區聯賽，但係FC受媛、福岡黃蜂呢兩支日乙中下游隊伍，仲要向擁躉交代，尤其周身唔掂等緊錢嘅黃蜂，一定會搏盡氹Fans，呢場波不妨博吓個1.95倍入球大。
（開賽時間：周日下午4:00）
愛媛主帥要證身價
日乙剩番兩Round，只得鳥取飛翔、FC岐阜同群馬草津溫泉3隊要為生存而戰，愛媛、福岡早就唔使驚降班。之但係佢哋都唔係冇煩腦，愛媛今季排16位，截至尋日40場波只贏過12場，主帥石丸清隆咁都獲得續約，佢仲唔醒醒定定做番啲嘢，話唔定球會高層好快就懷疑自己有冇做錯留人嘅決定。
福岡就仲麻煩，所缺嘅5,000萬日圓營運經費，搞咗咁耐終於籌到4,400萬，驟眼睇只係差600萬日圓，不過佢哋社長大塚唯史都知道前路難行，事關即使籌埋剩低嗰筆，黃蜂來季都肯定要大幅開源節流，而且隨時達唔到出牌標準，畀聯賽會踢出職業聯賽。正因為形勢極度不妙，據講大塚已經準備辭去J聯賽理事一職，費事咁丟架。响呢啲環境，黃蜂為咗未來唔搏唔掂，一則係希望吸引到啲球迷同商家，再捐多些少填埋嗰600萬日圓差額，其次就係畀辦嘅商家睇，等佢哋有信心繼續贊助落去，呢啲咁嘅「表演賽」唔博大博乜? |
|
金睛卡
发表于 2013-11-17 11:45
变色卡
显身卡