克羅地亞主戰冰島勝算高

猪拉多纳

歐洲名牌球隊法國形勢危急，若然呢支98年世界盃冠軍冇份出戰巴西決賽周，對佢哋打擊都好大。其實法國唔係冇球星，但始終都係搞唔好紀律，陣上予人各自為戰之感，次回合對烏克蘭讓超過1球，上盤唔穩陣。
具頂級勁旅實力

講返今次重心場次，係另一場世盃外歐洲區附加賽克羅地亞主場對冰島。克羅地亞不嬲都係肥叔愛隊，呢隊波實而不華，近年仲不斷湧現星級球員，實力愈來愈強，其中莫迪歷同文迪蘇傑已歸入歐洲一線行列。依家嘅克羅地亞絕對有條件躋身歐洲頂級，所以千祈唔可以睇小佢哋！

克羅地亞喺外圍賽表現唔好，好大程度係因為教頭冇料到，而依家換帥後大營氣氛唔同晒，今次對冰島讓到球半，個盤都幾辣，但睇番首回合戰況，克羅地亞作客都佔晒上風，擺明高冰島唔止一班波，返到主場只要有正常發揮，預期可以輕鬆贏波進軍巴西，博上盤！

（周三凌晨3時15分開賽）