法卡奧搶韁大咬荷蘭豆

猪拉多纳

南美新興勢力哥倫比亞今晚作客挑戰荷蘭，當哥倫比亞神鋒法卡奧遇上荷蘭豆腐防線，無可避免會出現一場入球騷，入球大有1.8倍博得過！

（無綫翡翠台周三凌晨3時30分直播）

荷蘭射手尹佩斯繼續缺陣，但仍有洛賓及雲達華治等優質攻擊手，進攻唔成問題，防線中路要用維拉中堅華亞爾同飛燕諾小將迪維積扼守先至驚，今仗仲要對住法卡奧，點頂啊？神鋒法卡奧上場面對比利時都有士哥，今次又同摩納哥戰友占士洛迪古斯拍住上，荷蘭想唔失波都難！兩軍鬥攻，必捧大盤！