黃金宅男再下一城

猪拉多纳

　　蔡約翰近排真係氣勢如虹，剛啱又食大四喜，兼且憑「安賞」捧走馬會盃，賭馬要跟紅頂白，今次一於再捧蔡廐馬。推介第五場「黃金宅男」，上次初跑谷草即勝，證明窄場性能一流，而且仲搵到中距離呢條最佳出路。今次繼續跑贏馬路程，易配田泰安一樣夠贏。

　　另一匹心水係第二場「信眼光」，今季轉去蔡廐後跑三仗冇W有P，四歲馬確實愈跑愈進步。今次繼續跑四班賽，應該唔會有阻力，坐位望贏。