11月份戰績標青 二、五場「信」蔡約翰

猪拉多纳

　　呢排潘頓及莫雷拉成績着晒火，今次「雷神」開始漫長的停賽期，罰則打孖上，被罰6日咁多，又睇吓會係潘頓個人表演，定係韋達可以力爭上游，重新啟動贏馬機器，成為「雷神」停賽期嘅最大得益者。

　　講到成績好，又點可以唔數蔡約翰，期期幾場，呢個月都未跑完，淨係十一月幾期已經贏咗13W，目前累積20場頭馬。不愧係蔡神仙，谷馬又好，調兵遣將又好，都係瓣瓣掂。

　　近期呢個馬房好多上名或勝出嘅馬，通常係有近績支持嗰類，即係好開繼續好，就好似啱啱「榮耀假日」、「安賞」，對上1場唔係贏馬，就係跑第二，再數之前「安琛」及「勇敢福星」，情況亦係一樣，既然有路捉，今期梗係要嘜住蔡廐呢類馬。

　　兩駒檔利近績好

　　佢今次派出5駒，「魅力知己」季內初出，唔歸納在內，「信眼光」、「皇帝諭令」、「坪踪㨗影」及「黃金宅男」，全部喺上場不勝有位，唔通又一次四喜臨門？有時話唔埋，如果真係要挑兩隻嚟賭，都係信兩匹內檔馬多啲，一於買第二、五場。