歡樂時光蓄銳一擊

猪拉多纳

　　柏寶回防後，迄今成績平平無奇，客串3日共跑了11匹馬，只有1駒上名。今次整體坐騎有實力，可殺出窘局。

　　第八場第三班1400米。「贏到爆」初出配何澤堯大敗，下仗換柏寶上名。今季跑兩場，首場1000米起用歐道樂，方仔到現在為止，獨得此駒曾與歐合作，關係十分生疏，旨在出點綿力支持新騎師，沒有表現好正常，偏偏在最後階段有兩腳。再出1200米已轉用巫斯義，末段騎法含蓄，正所謂欲蓋彌彰，名次不起眼反而吸引到阿興。跑到第3仗，柏寶超磅都騎，甚有誠意，而外地1300米試過上名，轉戰1400米，將是揭開真面目之時。

　　第十場第二班1400米。「歡樂時光」上季在十月開始出賽生涯，不斷跑，不斷入三甲，殺到上一班仍可上名，那場1400米不敵兩匹過百分「夢仙」及「好好計」，凸顯了自己的能耐，可是往後連番敗陣，個人認為歸咎於體重及體力問題。

　　今次配上騎慣騎熟柏寶，睇蔡約翰安排，不似求熱身格，可能是趁着此駒儲滿體力、1400米路程性能出色及降入二班的種種有利條件，以圖討到便宜。

    (阿興)