史浩克撻着大起法福

猪拉多纳

今晚德甲除焦點戰多蒙特對拜仁慕尼黑外，Alwin同大家研究吓另外兩場比賽，先講早場直播賽事法蘭克福對史浩克04，史浩克近5場聯賽贏咗4場，只輸過畀多蒙特，近6場聯賽共轟入16球，鋒線着晒火，今晚遇上主場未開齋嘅法蘭克福，平手盤撐客軍之餘，仲可以捧埋大盤。

（有線64及203台周六晚10時30分直播）

史浩克雖有主力射手亨特拉爾長抖，但火力不減，新加盟嘅奇雲保定令球隊級數提升，而且右翼法芬亦告傷愈，上仗對雲達不來梅後備入替兼入波，今晚好大機會復任正選，有佢帶住隊波，球隊士氣勢必提升。法蘭克福三連敗狀態差極，主力美亞因傷上陣成疑。此外，法蘭克福近期入得又失得，面對今季作客每場平均總入球達3.5個嘅史浩克，入球唔會少。
奧堡超新星同賀芬咸駁火

至於Alwin另一愛隊賀芬咸，今晚會作客鬥奧格斯堡，賀芬咸今季12場聯賽全數開大盤，強陣作客當然繼續喪攻，主隊奧格斯堡近期亦愈踢愈開放，近8場聯賽全部開大，佢哋上場開始重用19歲箭頭米利克，呢位由利華古遜外借嘅波蘭小將，前仗後備上陣博得緬恩斯門將韋克路侵犯，最終搞到韋克路被逐離場，今晚好有機會代替大舊佬摩達斯掛帥，同賀芬咸對攻，1.59倍大盤係穩陣嘅過關之選。

（周六晚10時30分開賽）
Alwin 推介：

奧格斯堡大 4★

史浩克04平手盤 3★

法蘭克福大 3★