紅龍虛火已過難抗紅魔

猪拉多纳

今晚英超尾場上演雙紅會──由「紅龍」卡迪夫城主場硬撼「紅魔」曼聯。經過季初一輪虛火後，卡迪夫城開始見底，相反曼聯持續復甦之餘，今仗仲有老將傑斯重返出生地比賽，衣錦還鄉一定分外起勁，相信作客可輕取紅龍，客勝不容錯過。

（now 621周一凌晨零時直播）
卡迪夫城走勢下滑

每逢球季開咧冇耐，某啲升班球隊總有驚喜演出，好似卡迪夫城，曾喺主場爆冷殺退億萬大軍曼城、賽和愛華頓等，表現一鳴驚人。不過當各隊摸熟其打法，並作出針對性部署，人腳麻麻嘅紅龍便開始見底，自九月尾後僅贏得兩仗，唔單止遇到勁旅車路士及熱刺輸波，連實力稍強嘅阿士東維拉、紐卡素、韋斯咸都恰到佢哋，加上有傳老闆陳志遠同主帥馬基麥基唔咬弦，內憂外患，成績唔跌先奇。
傑斯衣錦還鄉攞威

相反曼聯走出季初嘅谷底，各項賽事夾埋近九場未輸過兼贏六仗，尤其係上仗重量級對決擊敗榜首阿仙奴，令眾將信心返晒嚟。由於啱啱踢完國際賽，嚟緊周中要作客利華古遜，今仗只係對住跌Watt嘅卡迪夫城，殺雞焉用牛刀，相信主帥莫耶斯會繼續調整陣容，好大機會派出老將傑斯。作為威爾斯足球Icon人物，傑斯重返出生地加的夫比賽，受到當地球迷熱烈歡迎，有鄉里撐場點可以失威呢？呢位快將40歲嘅忠臣，勢必騷吓哥利打落水狗，客勝有1.51倍咪嫌少呀。