歐聯關鍵階段小心名牌Hea踢

猪拉多纳

歐聯去到最後衝刺階段，有唔少生死對決都好精彩，但大家呢個時候要特別提防已經出線嘅名牌球隊，呢類名牌波無論咩情況之下都係備受追捧，要好小心選擇，就好似西班牙班霸巴塞隆拿，今次作客鬥阿積士要讓超過一球，上盤實在揀唔落手，反而不妨博多少細盤。

死亡F組賽事繼續成為市場焦點，多蒙特鬥拿玻里被視為今日最矚目嘅一戰，以波論波，多蒙特始終高一籌，呢隊波有能力同超級勁旅拜仁硬撼，確實唔簡單，現時形勢雖稍處下風，但相信仲有機會後來居上，呢場關鍵「六分波」肥叔秤高多蒙特多少。
兵工廠順開唔怕再追

同組阿仙奴近期好波又有運，今輪主場對馬賽贏面高，上盤可作重心！阿仙奴以往經常畀人一種華而不實嘅感覺，今季班波勝在愈踢愈穩定，搶分能力好高，上場對住豬頭骨修咸頓唔易踢，但都把握到對手犯錯贏波贏盤，真係抵讚！

「兵工廠」霉咗一段時間，依家班波不但好波，仲要行緊運，短期內可以繼續跟進。阿仙奴今場讓到球半、兩球確係稍多，不過，佢哋質態都在對手之上，贏兩粒係基本要求，呢隻上盤博得過！

（有線64台周三凌晨3時45分直播）