兵工廠落力比「賽」逃離「死亡」

猪拉多纳

歐聯今晚重燃戰火，分組賽階段只剩番2場賽事，各支仲有機會爭出線嘅球隊，肯定會喺餘下比賽加多兩錢肉緊。身處死亡F組嘅榜首阿仙奴，今仗主場迎戰零分包尾嘅馬賽，以兵工廠Fit爆狀態，有力贏對手多過一球，1.66倍「讓球主勝」要追。

（有線64、203周三凌晨3:45直播）
包尾馬賽冇嘢爭輸戰意

形勢上，阿仙奴同拿玻里今晚雙雙勝出，就可以攜手提早晉級16強。一旦阿仙奴失分，下場作客鬥拿玻里隨時成為關鍵大戰，為咗喺死亡F組盡早「逃天生天」，力爭連續14年殺入歐聯淘汰賽嘅兵工廠絕對唔會留手。球隊有首循環對馬賽入波嘅翼鋒禾確特復出，配合狀態大勇嘅射手基奧特、中場艾朗藍斯等人，喺酋長球場對住連續9場失波嘅馬賽，想入多一、兩球唔難。

至於喺小組4戰全敗嘅馬賽，歐聯晉級無望，連想爭第3轉戰歐霸盃嘅機會都好渺茫，班波戰意成疑。雖然佢哋上場聯賽中止作客4場不勝，但對手只係排尾二嘅阿些斯奧，勝仗欠說服力。而且前鋒阿休、後衞洛芬尼未傷好，今仗作客阿仙奴吞蛋而回唔出奇。