韋根主場夠「雷」開W

猪拉多纳

歐聯激戰過後，今晚輪到歐霸盃上演。D組韋根主場迎戰比利時球隊華雷根，只要韋根今仗贏波，加上榜首魯賓卡山保持不敗，雙方就可以攜手提早出線，試問韋根一眾球員點會唔搏盡？1.72倍主勝唔好錯過。

（有線63周五凌晨4:05直播）
華雷根鋒力差4場入2粒

韋根今季雖然降落英冠比賽，但仍然保留唔少上季主力，好似翼鋒卡林麥馬拿文、中場賓屈臣、守將保斯等人，配合復出嘅前鋒格蘭荷特、中場祖迪高美斯、麥亞瑟，牌面一啲都唔輸蝕。而且韋根主場出擊有保證，佢哋早前贏馬里博爾3:1，對住同組最強嘅魯賓卡山亦打和1:1，表現唔失禮，今次對住實力一般嘅華雷根，有力全取3分。

華雷根陣中有前阿仙奴青年軍中場施古拿臣，同車路士借將杜根夏薩特効力，但球隊鋒力甚差，4場分組賽只入得2粒，相信幾難射破近6場失3球嘅韋根防線。翻查紀錄，比利時球隊近29次作客英格蘭球會都未贏過，當中更輸足25場，足見兩地足球水平差距甚大，韋根今仗值得秤先。
歐霸盃D組