不來梅受讓有得芬

猪拉多纳

近四次作客賀軍贏咗三場

不過呢類小型莊家礙於財力所限，每每只能用較低金錢收買低組別聯賽球員或相關人員。其實大中華地區對呢塊肥豬肉都虎視眈眈，但外語水平較低，發展自然唔及東南亞地區。好彩依家出事都只係涉及低級賽事，頂級聯賽仍保「清白之身」，投X者為本身利益，應專攻主流賽事。
賀芬咸勢頹人見人恰

今次重心推介德甲賀芬咸主場對雲達不來梅，兩隊走勢偏弱，賀芬咸三連敗之餘，包括輸畀平庸之輩哈化柏林、奧格斯堡等，非常肉酸。球隊傷停問題亦嚴重，今場仲要讓半一，實在太過火。對手不來梅實力唔會低過賀芬咸，過去四次作客賀軍，亦贏咗三場，更何況有得受讓，下盤可試。

（周六晚10時30分開賽）
西布朗硬淨拆「紐」

西甲方面，艾爾切主場對馬德里體育會，馬體會周中歐聯明顯留有一手，呢班波火力猛，作客照攻，但艾爾切主場不時有佳作，有一定反擊力。歐洲普遍莊家開馬體會讓一球、球半，稍嫌太辣寧博下盤及入球大。英超方面，包尾嘅新特蘭作客極差，六戰一和五負，到訪阿士東維拉，僅受讓平半，要維拉上盤。另外，西布朗演出相當硬淨，聯賽鬥曼聯、阿仙奴及車路士等勁旅都力保不敗，作客紐卡素受讓平半，下盤可吼。