格羅寧根做訪NAC 特別醒神要吼實

猪拉多纳

今晚荷甲NAC主場對格羅寧根，NAC聯賽主場已經四連勝，對手仲包括阿爾克馬爾、燕豪芬等實力分子，含金量十足，可惜佢哋近年遇上格羅寧根都係冇運行，對上七次聯賽碰頭居然從未贏過，最近一次擊敗對手已經係09年8月。如果單計主場，NAC最近四次更加只得一和三負，明顯被對手剋住，所以就算近況幾弗都好，今晚都未必有甜頭。
客軍近七場不敗

格羅寧根近況亦唔錯，自從九月尾以0比5大敗於川迪腳下後，連盃賽在內已經七場未輸過，期間亦贏過阿爾克馬爾、燕豪芬及打和維迪斯，只要踢番同樣水準，應該可以保住呢個咁靚嘅對賽優勢，作客NAC亦可全身而退。

（周日凌晨2時45分開賽）