主場狂遇作客狂 雙史大混戰

猪拉多纳

德甲尾場上演雙史大戰，史浩克04同史特加兩支攻強守弱球隊交鋒，無論睇雙方近況、數據往績，今場擺明會繼續係入球騷，1.5倍大盤係Alwin過關重心。

（有線61及64台周日凌晨1時30分直播）

史浩克陣中擁有大量優質進攻中場，法芬、奇雲保定同達斯拿都係世界級，創意滿瀉，每仗都有力製造入球機會，不過教練贊斯基拿始終無法改善脆弱防線，祖爾麥迪比同菲臘比辛坦拿都係計時炸彈，佢哋主場好大喜「攻」，至今6場主場賽事有5場開大，平均每場總入球達到4.16個，球隊目標要取得下屆歐聯參賽資格，目前排第6已落後第4位嘅慕遜加柏4分，需要急起直追，主場出擊當然要搶攻。
伊比斯域近3戰史浩克入6球

史特加方面，亦要為下屆歐霸盃參賽席位努力，佢哋踢法一向主攻，特別係作客都唔願守，今季7場作客有6場開大，平均每場總入球更達4.28個，比起史浩克主場更瘋狂，佢哋今場嘅最強武器，當然係首席射手伊比斯域，呢位波斯尼亞前鋒過去兩季分別為賀芬咸同史特加効力，先後同史浩克交手過3場，結果佢共轟入6球，係史浩克嘅剋星同噩夢，近期佢腳風回順，加上支援嘅兩位天才小將迪姆華拿同阿歷山度馬辛都弗爆，今晚面對史浩克又有胡叫。

睇埋對賽往績，雙方近十次交手有八次大盤，而於史浩克主場嘅對賽，更加係連續六場開出大盤，今晚入波又點會少！
Alwin 推介

史浩克04大★★★★

賀芬咸大★★★

多蒙特勝★★★