阿積士激戰完畀牙咬

猪拉多纳

今日阿King睇中荷甲海牙主場鬥阿積士，讓球主客和阿積士讓一球，讓球主勝可作重心。阿積士上周中歐聯殺敗巴塞隆拿踢出代表作，不過嗰場比賽佢哋有接近半場時間十人應戰，體力消耗極大，今場作客出戰隨時被榨乾。海牙近期主場先後擊敗前列球隊維迪斯及川迪，已經累積三連勝，而且上季聯賽兩循環鬥阿積士都唔使輸，主場受讓值得捧場。

（now 670周日晚7時30分直播）
燕豪芬里昂墮落豪門

另一場荷甲直播飛燕諾主場鬥燕豪芬，燕豪芬上周中歐霸作客不敵保加利亞盧多格德斯，近五場作客輸四場，如果單計聯賽佢哋已經五場不勝，跌到落第八位，狀態沉到不得了。飛燕諾近三季主場鬥燕豪芬全勝，以逸待勞佔盡優勢，小讓平半捧上盤。（now 670周日晚9時30分直播）最後一場法甲巴黎聖日耳門主場鬥里昂。里昂目前情況同燕豪芬好相似，要兼顧歐霸盃搞到聯賽跌落中游。巴黎聖日耳門剛於歐聯順利取得小組首名出線，聯賽可以加多兩錢肉緊，捧讓球主勝。

（TVB 302周一凌晨4時直播）