控制者只愛捧W

猪拉多纳

　　今晚係國際騎師錦標賽日，唔知係咪因為咁，噚日各場隔晚賠率都好奇怪，除第二場「滿貫豐采」係一面倒大熱之外，其他場合都搵唔到重心馬，隨時爆到七彩。

　　除此之外，周某噚日發現第三場「控制者」同第八場「迎風飄揚」飛數好奇怪，呢兩匹馬獨贏賠率都唔夠4倍做大熱，但位置賠率卻好好分（見表），呢個現象某程度代表佢一係贏，一係P都冇，而根據周某經驗，佢P飛弱通常因為疑點多，所以P都冇機會大。如「控制者」至今兩戰都係田草新馬賽，呢鋪初跑谷草，要132磅排十二檔，叫人點買P？第八場「迎風飄揚」上仗雖贏，但今次上三班又係另一回事，都係唔好信。騎師王方面，今次只計五至八場賽果，夏偉卓馬實力唔錯，抵博。