西布朗專釣大鱷受讓筍

猪拉多纳

每年十二月都係英超世界，皆因賽事進入快車期，自然成為市場焦點。巨型班球隊人手充裕，正路較為着數，個別強隊之前失分多，現階段係追分時期，可以多加留意。不過，大家都要記住一點，呢類名牌球隊永遠讓得多，而佢哋亦冇必要贏波贏盤益街坊，始終要有戒心。

講番今次重心場次，西布朗今季專同強隊作對，今次主場對曼城又係捧場好時機！西布朗唔多起眼，但踢落非常硬淨，特別係鬥強隊有一手，之前硬撼阿仙奴、曼聯同車路士等勁旅全部唔使輸，真係估佢唔到！呢班波實而不華，不受莊家重視，今輪遇上曼城受讓半一至一球，個盤着數到不得了，下盤博得過！

（now 625周四凌晨4時直播）
修咸頓維拉演入球騷

同日修咸頓主場對阿士東維拉，「聖人」今季全面升呢，現時已被視為英超一路奇兵，佢哋近仗賽程惡踢，失分都好正路，呢次對手實力弱番好多，相信又係出擊時候。維拉呢班波好奇怪，作客仲好過主場，今次對住修咸頓唔會冇得打。兩隊波都有攻力，預期今戰入球會偏多，大盤值得留意。

（now 632周四凌晨3時45分直播）
肥叔心水

奧格斯堡細

利物浦大

曼聯上盤

修咸頓大

史篤城上盤

富咸大

西布朗下盤