皇馬搵新魯爾 打殘丙組仔

猪拉多纳

今晚續演西班牙盃第4圈首回合賽事，紅到發紫嘅皇馬將作客丙組仔奧林比薩維亞。正所謂殺雞焉用牛刀，皇馬主帥安察洛堤或會讓大部分主力抖下，但唔代表佢哋會Hea踢，尤其係年輕前鋒艾華路莫拉達。

頭號中鋒賓施馬地位穩如泰山，而另一青訓產品謝斯洛迪古斯自喺國家打吡有波入後，逐漸多咗上陣機會，令莫拉達處境略顯尷尬，據聞佢決定冬季唔轉會，希望喺「銀河艦隊」力爭一席位，難得今仗只係對丙組仔，呢位「新魯爾」仲唔趁機喺安帥面前入多幾粒騷哥利咩？就算讓到兩球，斯維都照撐讓球客勝。
now 632直播