「阿伯」遇私房菜煮靚米

猪拉多纳

英冠榜下游球隊大戰，伯明翰主場對米杜士堡，伯明翰今仗不但有地利優勢，睇番對賽往績，「阿伯」喺主場更係食住對手米杜士堡，近六次主場贏咗五場，而且當中四場勝仗「阿伯」皆入三球，主勝同入球大都捧得過。
米堡作客曳到極

米杜士堡新帥卡蘭卡上任後帶咗三場波，成績一勝二負，表現其實唔算好好，仲要贏嗰場係臨完場好好彩博到球12碼取勝，隊波踢起嚟仍然係雜亂無章，可見卡帥仲未執掂隊波，而且米堡作客表現勁曳，近七仗作客錄得六負一和嘅劣績，今仗作客「阿伯」相信都係凶多吉少。