哨牙蘇弗爆紅軍讓主筍

猪拉多纳

踏入12月英超大開快車，喺周中贏出漂亮一仗嘅利物浦，會喺主場迎戰韋斯咸。利物浦王牌前鋒蘇亞雷斯更加係入球停不了，食出「大四喜」兼球球靚波，狀態咁好今仗有望添食。作客嘅韋斯咸剛剛相反，對弱旅水晶宮都要輸0:1，今晚作客實力高一班嘅利物浦，難寄厚望，「紅軍」讓1球，1.66倍「讓球主勝」屬穩陣首選。

（now622台周六晚11:00直播）
韋斯咸7場作客僅1勝

利物浦今季主場踢出以往全盛期嘅氣勢，喺晏菲路7戰6勝，近4場主場出擊都可以大勝對手。雖然有前鋒史杜列治養傷，不過一個蘇亞雷斯足夠撐起成支「紅軍」。4場主場勝仗入面，蘇亞雷斯包辦16個入球之中嘅10個入球，更以13個聯賽入球喺射手榜獨佔鰲頭，相信今晚「哨牙蘇」又會發揮主場「士哥拿」本色，帶領紅軍取得連勝。

韋斯咸一向唔擅長作客，今季7戰僅得1勝，客場嘅攻擊力更係慘不忍睹，7場作客5場交白卷。最大問題係季初簽入嘅安祖卡路爾因傷變成長期十字軍，就算佢哋臨急簽返早前棄用嘅卡頓高爾，亦令鋒力大打折扣，周中仲要輸埋畀水晶宮，士氣受到一定打擊，今晚凶多吉少。