弗賴堡受讓要得過

猪拉多纳

近期狀態唔錯嘅禾夫斯堡，今晚德甲將會作客排下游位置嘅弗賴堡，牌面睇落應該冇乜甩拖，偏偏佢哋近日傳出1月散班危機，兩大中場迪亞高同路爾斯古斯達禾都傳出下月走人，軍心話冇影響就呃你，弗賴堡依家志切搶分護級，主場隨時悶和你就算，受讓半一自然要下盤。

（有線61、64、201、203周日晚10:30直播）
禾夫斯堡面臨星散

弗賴堡受到歐霸盃分心影響，今季成績大倒退，不過佢哋個隊長舒卓斯特就講明，聯賽護級先係佢哋頭號目標，歐霸盃去到幾遠就「盡人事」，擺明要重新將集中力放番喺德甲身上。雖然有舒卓斯特依家養緊傷，但球隊始終都有番咁上下實力，上場對利華古遜力戰下僅輸，表現已經大有起色，今場搶分唔係冇機會。

禾夫斯堡自10月底開始未輸過，不過最近聯賽連和兩場，似有回落之勢，最慘係傳出巴西中場發電機迪亞高1月會離隊，今夏先加盟嘅巴西國腳路爾斯古斯達禾，合約中亦有1,650萬鎊嘅離隊條款，傳聞巴塞隆拿同阿仙奴都有興趣搵佢，相信禾夫斯堡上下都好擔心，今場再失分唔奇。
頂占筍盤：弗賴堡（下盤）