先攞最佳球員 C朗細奪金球獎

猪拉多纳

基斯坦奴朗拿度（C朗）先聲奪人，率先獲英國《世界足球》雜誌選為2013年世界最佳球員。大家唔好以為呢個只係豬肉獎，過去十六屆評選入面，有十四屆得主最終攞埋金球獎，僅得04年朗拿甸奴及10年沙維落空，今次冠、亞、季軍（C朗1,025分、美斯925分、列貝利870分）亦係早前公布嘅國際足協金球獎最後三強，所以普遍認為金球獎已經係C朗囊中物，難怪據西班牙傳媒報道，C朗已透過皇馬向國際足協表示將會出席明年一月舉行嘅頒獎典禮。
皇馬作客奧沙唔易啃

C朗於周中歐聯復出兼士哥，成為有史以來分組賽入波最多球員，今晚佢會帶領皇馬喺西甲直播頭場作客鬥奧沙辛拿。奧沙辛拿今季主場曾經守和巴塞隆拿○比○，皇馬今季作客慣性慢熱，十一場作客正式比賽有九場開出半場細，今場客W熱至1.15倍冇肉食，建議再追半場細。
now 632直播