巴塞「大」舉進攻摧毀潛艇

猪拉多纳

巴塞喺上輪聯賽作客以0:1敗走畢爾包，聯賽不敗身被打破，各大傳媒隨即以美斯缺陣令巴塞進攻乏善足陳嚟抨擊佢哋。不過「地上最強」隨即以實際行動反擊，接連喺西班牙盃同歐聯大炒對手，今晚喺主場對住攻擊力有番咁上下嘅維拉利爾，相信入波唔會少，中位數3.5球都撐2.05倍入球大。

（now632台周日凌晨3:00直播）
維拉利爾攻強守弱

巴塞喺西甲暫時同馬體會同分，至於宿敵皇馬就落後3分排第3，榜首優勢已經冇晒。雖然美斯今仗繼續養傷，但呢班波近2場喪入10球，信心返晒嚟，今晚主場出擊又點會入唔到波！射手尼馬喺周中歐聯發威，上演加盟後首次帽子戲法，狀態Fit到爆，加埋不時交出助攻同入波嘅法比加斯，要攻陷後防唔算穩陣嘅維拉利爾唔難！

「黃色潛艇」今季遇強愈強，先後賽和皇馬同馬體會，其中大炒華倫西亞一仗更係今季代表作，佢哋無論組織力、把握力都令「張峰」留下深刻印象，一對射手杜斯山度士、烏捷同樣係擅射之人，有力喺巴塞身上取得入球，今場有4球以上交收一啲都唔奇。